अर्घाखाँचीमा सम्बन्धविच्छेदको १७ दिनपछि फेरि विवाह

काठमाडौं । नेपालीमाझ एउटा उखान निकै प्रचलित –लोग्नेस्वास्नीको झगडा परालको आगो । नभन्दै अर्घाखाँचीमा एउटा दम्पतीले यो लोकोक्ती सत्य सावित गरेका छन् । उनीहरुले सम्बन्धविच्छेद गरेको १७ दिनपछि अर्घाखाँची जिल्ला अदालत पुगेर फेरि कोर्ट म्यारिज गरेका छन् ।

अर्घाखाँची जिल्ला छत्रदेव गाउँपालिका–१ बस्ने लिलामनी पौडेल र सोही ठाउँ बस्ने गुल्मीको छत्रकोट गाउँपालिका–१ की जमुना पौडेलले असार ५ गते जिल्ला अदालत अर्घाखाँचीबाटै सम्बन्धविच्छेद गरेका थिए । आफन्त र दुवैको सल्लाहअनुसार कुरा मिलेपछि सम्बन्धविच्छेद गरेको लिलामनी–जमुना दम्पतिलाई अदालतले पुनर्मिलन गराएको हो ।

पौडेल दम्पतीका ६ बर्से छोरा छन् । दुवैका अभिभावकलगायत आफन्तले छोराको मुख हेरेर पनि अगग्गिन नहुने भन्दै सम्झाएपछि विचार फेरिएको लिलामनीले बताए ।,

प्रकाशित मिति २६ असार २०७६, बिहीबार ०८:४३
Loading...
 

  हामीलाई फेशबुकमा लाइक गर्नुहोस