यी हुन् विश्वका सबैभन्दा अनौठा तथा डरलाग्दा सडकहरु (फोटो फिचर)

विश्वमा यातायातको सबैभन्दा भरपर्दो पूर्वाधारको रुपमा सडकको नाम पहिलो स्थानमा आउँछ । विश्वको भौगोलिक अवस्था एकै नासको छैन, त्यसैले यहाँका सबै सडकको संचरना एकै खालको हुने कुरा भएन ।

त्यसैले कतिपय सडकहरुले आफ्नो जटिल तथा अनौठो संरचना र अविश्वसनीय प्रविधिका कारण गिनिज बुकमा नाम लेखाउन पनि सफल भएका छन् ।

 

कतिपयले गिनिज बुकमै नाम नलेखाएपनि दुनियाका मानिसहरुको मानस पटलमा तथा संचार माध्यमका पानाहरुमा भने प्रसस्तै नाम लेखाएका छन् । हेरौँ दुनियाका सबैभन्दा अनौठा तथा डरलाग्दा केही सडकहरु

baldbin road1

न्यूजिल्याण्डको डुनेडिनमा रहेको यो बाल्डविन सडक दुनियाको सबैभन्दा भिरालो सडकको रुपमा गिनिज बुकमा नाम लेखाउन सफल भएको छ । समुद्री सतहबाट ९८ फिटदेखि ३३८ फिटसम्मको उचाइ रहेको यो सडकको हरेक ९.३८ मिटरमा तिन फिटको उचाइ बढ्दछ ।

laders tunnel road2

नर्वेको लेर्डल सुरुंग मार्ग विश्वको सबैभन्दा लामो सुरुंग मार्ग हो । यसको लम्बाइ १५.२ माइल रहेको छ । यो सुरुंग बनाउन ११ करोड अमेरिकी डलर खर्च लागेको थियो ।

bayburt road3

टर्कीको डी ९१५ बेबर्ट सडकलाई दुनियाको सबैभन्दा खतरनाक सडक पनि भनिन्छ । सोगान्ली पहाडमा रहेको यो सडक नागबेली जस्तै घुमाउरो हुनुका साथै ६६ माइल लामो छ ।

france road

फ्रान्सको मिलाउ भियाडक्टमा रहेको यो पुल विश्वको सबैभन्दा अग्लो पुल हो ।यो पुल ११ सय २५ फिट अग्लो छ, जुन इफेल टावर भन्दा पनि अग्लो छ ।

road _japan5

जापानको तातेयामा कुरोबे अलपाइन रुट नामक सडक हिउँ खोपेर बनाइएको दुनियाको सबैभन्दा भव्य सडक हो । यो सडक वर्षका केही महिना मात्र खुल्ला हुन्छ र सडक आसपास ६५ फिट सम्म अग्लो हिउँ जमेको हुन्छ ।

death road_ boleviya

यो हो बोलिभियाको मृत्यु सडक । बोलिभियाको युंगासबाट राजधानी जोड्ने यो एक लेनको सडकमा हरेक वर्ष दुर्घटनाका कारण ३ सय जनाले ज्यान गुमाउने गर्दछन् । यो झ्वाट्ट हेर्दा नेपालकै सडक जस्तो देखिन्छ ।

storsasen_norwey

यो हो नर्वेको स्टोरसेसनडेट ब्रिज एटलान्टिक सडक  । यो आँखै तिलमिलाइदिने सडक हो । यो सडकमा केही परसम्मको दृश्य समेत नदेखिने हुँदा कतै सडक नै टुंगिएको हो की भन्ने भान हुन्छ । यो सडकको स्टोरसेसन्डेट पुल झनै अनौठो छ ।

road_russ2

रुसको कुआन्डीन्स्की हिमतालमाथिको पूरानो काठे पुलमा गाडी गुडाएका यी तस्वीर हेर्दा नै जिउ सिरिंग हुन्छ । यो रेलमार्गका लागि बनाइएको पूरानो संरचना हो ।

stevio roadI _italy

इटालीको स्टेभिलो पासस्थित १ सय ८० डिग्रीको यो घुमाउरो सडकमा यस्ता ४८ वटा डरलाग्दा घुम्ती छन् ।

pan america_road

यो हो विश्वको सबैभन्दा लामो पान अमेरिकन हाइवे । १५ देश छुने यो सडक १८ हजार ६४१ माइल लामो छ । अलास्काबाट सुरु भएको यो सडक दक्षिण अमेरिकाको टुप्पैसम्म पुग्दछ ।

america _road2

अमेरिकाको सन फ्रान्सिस्कोस्थित आवासीय क्षेत्रभित्र रहेको लम्बार्ड सडक विश्वको सबैभन्दा जेलिएको सडक हो ।

australia_ strait_road

यो हो अस्ट्रेलियाको सबैभन्दा लामो सिधा सडक इरी हाइवे, जुन १ हजार ४० माइल लामो छ ।

china_road

प्रकाशित मिति ७ पुष २०७४, शुक्रबार ०८:२३
 

  हामीलाई फेशबुकमा लाइक गर्नुहोस