सरकारले सिके राउत सग गरिएको सम्झौता जस्ताको तेस्तै,प्रधानमन्त्रीज्यू सलाम छ,तपाई यस युगको राष्ट्रपिता हुनुहुन्छ

काठमाडौ – सशस्त्र द्वन्दमा रहेको माओवादीलाई शान्ति प्रकियामा ल्याइ समृद्धिको अभियानमा एउटै पार्टी बनाएर सँगसगै हिडाउनु भयो । जातियताको नारा लाएर देशमा अराजकता मच्चाउने तत्वहरुलाई नेपालीपन सबैभन्दा ठूलो हो भनी सद्भाव छर्नुभयो । एक मधेश एक प्रदेशको नारा लाएर देशमा भौगोलिक युद्द मच्चाउन तम्तयार मधेशबादी दलहरुलाइ राष्ट्रिय धारमा ल्याई उनीहरुले बोकेको भौगोलिक बिखण्डनको आन्दोलनलाई साम्य पार्नुभयो ।

लामो समयदेखि देशमा ब्याप्त राजनैतिक सङ्क्रमणलाई अन्त्य पार्दै स्थायी रुपमा देश बिकास गर्न जनमत तयार पार्दै त्यसको नेतृत्व आफैले लिनुभयो । देशको विकास गरे जनता बलिया हुन्छन भन्ने घृणित एजेन्डा बोक्ने देशको ठूलो प्रतिपक्षीलाई देशको बिकास गर्नुपर्ने रहेछ भन्ने सन्देश प्रवाह गराउनुको साथै राष्ट्रियता र समृद्धिको असल पाठ सिकाउनु भयो । स्वतन्त्र देशको नारा लिएर देश टुक्र्याउछु भन्ने सिके राउत जस्ता ब्यक्तिलाई पनि राष्ट्रियताको पाठ सिकाइ एकाएक देशप्रति गर्व गर्ने बनाउनु भयो ।

यस्तो छ सरकार र सीके राउतबीच भएको ११ बुँदे सहमति

१. संघीय लोकतान्त्रिक गणतन्त्र नेपाल एक स्वतन्त्र, स्वाधीन, सार्वभौमसत्ता सम्पन्न अविभाज्य राष्ट्र हो। नेपाल राष्ट्रको स्वतन्त्रता, स्वाधीनता, सार्वभौमसत्ता र अखण्डता रक्षा गर्नु प्रत्येक नेपालीको कर्तव्य हो।

२. राजनीतिक, सामाजिक, आर्थिक लगायतका उद्देश्य प्राप्तिका निम्ति शान्तिपूर्ण र लोकतान्त्रिक बाटोबाट अघि बढ्नुपर्छ भन्नेमा हामी दृढ छौं। नेपालको संविधानमा प्रयुक्त जनतामा निहित सार्वभौम अधिकारको प्रयोग गर्दै तराई मधेश लगायत देशका विभिन्न स्थानमा रहेका असन्तुष्टिहरुलाई जनअभिमतमा आधारित लोकतान्त्रिक विधिबाट समाधान गर्न सहमत भएका छौं।

३. लोकतन्त्रमा मतभेदहरु हुन सक्छन्। तर, तिनीहरुप्रति राज्य, राजनीतिक दल र आम नागरिक सहिष्णु हुनुपर्छ। त्यस्ता मतभेदहरुको समाधान पनि लोकतान्त्रिक विधिबाटै गरिनुपर्छ भन्ने मान्यतामा दृढ छौं।

४. सामाजिक न्याय, समानता र सदभाव हाम्रो साझा उद्देश्य हो। हामी तराई मधेश लगायत समग्र राष्ट्रका जनतालाई राजनीतिक आर्थिक तथा सामाजिक दृष्टिले अधिकार सम्पन्न तुल्याएर तराई मधेश लगायत समग्र देशको विकासलाई द्रूत गतिमा अघि बढाउन प्रतिबद्ध छौं। त्यसैगरी, संविधानप्रदत्त नेपाली जनताको सार्वभौम अधिकार, स्वायत्तता र स्वशासनको अधिकारलाई आत्मसात गर्न र तराई मधेश लगायत समग्र देशमा सुशासन कायम गर्दै समानता र समाजवाद कायम गर्न प्रतिबद्ध छौं।

५. स्वतन्त्र मधेश गठबन्धनका नेता तथा कार्यकर्ताहरुलगायतमाथि लगाइएका राज्य विरुद्धका अपराध लगायत सबै राजनीतिक मुद्दा फिर्ता लिइनेछ। कारागारमा रहेका सम्पूर्ण नेता तथा कार्यकर्ताहरुलाई निशर्त रिहा गरिनेछ।

६. स्वतन्त्र मधेश गठबन्धन तथा यसका नेता कार्यकर्ताहरुद्वारा यसअघि तयार पारिएका र पहिले प्रचलनमा रहेका किताब, पर्चा, पम्पलेट, घोषणापत्र, गीत, नक्सा, नारा, झण्डा, अनलाइन सामग्री आदिलाई भविष्यमा कारबाहीको विषय बनाइने छैन। आगामी दिनमा संविधानको व्यवस्था र यस सहमति प्रतिकूलका प्रचार सामग्रीहरु उत्पादन र वितरण गरिने छैन।

७. स्वतन्त्र मधेश गठबन्धनका नेता, कार्यकर्ता तथा समर्थकहरुलाई नेपालको संविधान प्रदत्त अधिकारको प्रयोग गर्दै नेपालभित्र बसोबास गर्न, जीविकोपार्जन गर्न, संघसंस्था वा पार्टी खोल्न वा संगठित भएर मूलधारको राजनीति गर्न कुनै किसिमको अवरोध खडा गरिने छैन। र, त्यस्ता अधिकार प्रयोग गरेबापत राज्यद्वारा कुनै किसिमको कारबाही गरिनेछैन।

८. २०७५ भदौ १५ गते नेपाल प्रहरीको हिरासतमा मृत्यु भएका स्वतन्त्र मधेश गठबन्धनका बाँके जिल्ला संयोजक राममनोहर यादवको परिवारलाई राज्यद्वारा उचित क्षतिपूर्तिका साथै परिवारका एक सदस्यलाई रोजगारीको व्यवस्था गरिने छ।

९. स्वतन्त्र मधेश गठबन्धनको आयोजनमा सञ्चालित आन्दोलनका क्रममा घाइते भएकाहरुको उपचारको जिम्मा सरकारले लिने छ।

१०. स्वतन्त्र मधेश गठबन्धनका नेता तथा कार्यकर्तामा रहेको ज्ञान, सीप र सामर्थ्य तराई मधेश लगायत समग्र देशका जनता र राष्ट्रको शान्तिपूर्ण एवं लोकतान्त्रिक विकास र खुशियालीको लागि नयाँ उचाइका साथ सदुपयोग गर्न र सरकारका तर्फबाट स्वतन्त्र मधेश गठबन्धनलाई एक लोकतान्त्रिक राजनीतिक शक्तिका रुपमा व्यवहार गर्न सहमत भएका छौं।

११. सहमति आजैका मितिबाट लागू हुनेछ।

सदियौंदेखि हेपिरहने दक्षिणी छिमेकी देशलाई नेपाल एक स्वाभिमानी स्वतन्त्र मुलुक हो भन्ने पाठ पढाउँदै नेपाल र नेपालीको शिर धेरै उच्च बनाउनु भयो। एउटा असल राजनीतिज्ञले यहाँ भन्दा बढी देशका लागि गर्ने अरु काम नै छैनन होला प्रधानमन्त्रीज्यु । तपाइले यो देशका लागि दिनुभएको योगदान नेपाली जनताले युगौंयुगसम्म सम्झनलायक अनि सम्मान गर्न लायक छन् ।तपाईं यस युगको राष्ट्रपिता हुनुहुन्छ, तपाइलाई सम्मान गर्ने शब्दहरु नै शब्दकोषमा कम छन । सलाम छ तपाइलाई । देशका लागि तपाईको यो योगदान इतिहासमा सदासदा स्वर्ण अक्षरले लेखिने छ । सीके राउत र सरकारबीच आज भएको सहमतिले मुलुकको शान्ति र समृद्धिको दिशामा थप आशाको सन्चार गरेको छ ।

तपाईं यस युगको राष्ट्रपिता हुनुहुन्छ, तपाइलाई सम्मान गर्ने शब्दहरु नै शब्दकोषमा कम छन । सलाम छ तपाइलाई । देशका लागि तपाईको यो योगदान इतिहासमा सदासदा स्वर्ण अक्षरले लेखिने छ । सीके राउत र सरकारबीच आज भएको सहमतिले मुलुकको शान्ति र समृद्धिको दिशामा थप आशाको सन्चार गरेको छ ।

प्रकाशित मिति २६ फाल्गुन २०७५, आईतवार ११:३२
Loading...
 

  हामीलाई फेशबुकमा लाइक गर्नुहोस